كان بابا نويل بيعدى الشارع
و محمل على كتفه الفرحة
و محمد قدام الجامع
كان ماشى وف ايده السبحة
و ادى جرجس بيكلم مينا
و بيضحك وياه و يهنى
بسنة جديدة هلة علينا
و الكل واقف ليها مستنى
و الوقت بيمشى بتأنى
فجأة..هز الشارع صوت
من عربية سايقها الموت
و اتقلبت كل الاحوال
و المشهد بقى مليان غم
و السبحة غرقها الدم
و جرجس مبقاش بيهنى
و مينا مبقاش مستنى
و بابا نوبل ليلة العيد
اتسرقت من قلبه الفرحة
بقى مرمى على جنب وحيد
و نزل اسمه
فى كشف الجرحى.....
