يعنى ايه - يا اهل الوطن - معنى الوطن !؟
يا ترى يعنى المكان ؟
ولا معنى بالزمان ؟
و لا فاس ولا ناس
و لا خيل عدى و داس
ولا حالة من شجن ؟
يعنى ايه معنى الوطن !؟
الوطن و بإختصار
يحتوينى ليل نهار
ضحك..دمع
حزن..فرح
جد كان او هزار
الوطن و بإختصار
صورة برسمها لبكرة
الوطن فى عيونى فكرة
الوطن يعنى البراح
تلمحه ف واد معجبانى
لونه اسمر زى طينه
يوهبه حياته و سنينه
و ان غلط..
يلقى السمـاح
مش يكون دمه مباح !!!!؟
او يكون اكتر مكان
مليان امان
هو السجون
و الجنون..
لو يوم نقول ماحناش عبيد
و ان سيدكوا...هو سيدكوا
بس لينا ماعادش سيد
الوطن حر و عنيد
عمر ما كرباجكوا يوم هايخوفه
او يضعفه
الوطن بالحب ايد
حانية تمسح عالشريف
و اللى يسرق او يخون
او يبيع مش يصون
يضربه بإيد من حديد
الوطن اقدم جديد
يتذكر فى كتاب إلهى
ليه نغنى
و بيه نباهى
الوطن قبلة امان
اينما كان اتجاهى...
الوطن عيشة هنية
عدل ليك..عدل ليا
لقمة العيش للغلابة
و الحماية م الديابة
مش وساطة و محسوبية
و الامور بالإكرامية
و المناصب اقدمية
يفتحوا باب التكية
كله يسرق..
كله ينهب..
كله ينسى الإنسانية
و احنا لينا..السلطــانية
الوطن يا سادة ابداً
عمره ما كان يوم لقية
و انتوا..
انتوا حاولوا..تانى حاولوا
و انسجوا فى شباككوا حوله
عمركوا ما ف يوم تنولوا
لو حاولتوا العمر طوله
بلبس مدنى او بميرى
او بكوتشى او بيادة
خوفكوا راح يفضل اسيرى
مهما تكتموا فى الشهادة
او تتاجروا بالكلام
او تغشوا فى الانام
او علينا كلابكوا تتطلع
لاجل ريسكوا الهمام
الوطن مش راح ينام..
بعد ما اتنسم صباح
و الامل بقى فيه مباح
و بدمانا لرمشه كَحَّل
يوم ما صرخ الدم..ارحل
فإختصاراً يا افاضل
الوطن هو اللى فاضل
و انتوا راح تتاخدوا دور
دور فى دور
دور فى دور
و السواقى راح تدور
تروى كل الملهوفين
اللى ماتوا بالحياة
و اللى عاشوا ميتين
تحمل الخبر اليقين
انكوا..و بدون مقاطعة
جنب سيدكوا..مشرفيـن
ولا معنى بالزمان ؟
و لا فاس ولا ناس
و لا خيل عدى و داس
ولا حالة من شجن ؟
يعنى ايه معنى الوطن !؟
الوطن و بإختصار
يحتوينى ليل نهار
ضحك..دمع
حزن..فرح
جد كان او هزار
الوطن و بإختصار
صورة برسمها لبكرة
الوطن فى عيونى فكرة
الوطن يعنى البراح
تلمحه ف واد معجبانى
لونه اسمر زى طينه
يوهبه حياته و سنينه
و ان غلط..
يلقى السمـاح
مش يكون دمه مباح !!!!؟
او يكون اكتر مكان
مليان امان
هو السجون
و الجنون..
لو يوم نقول ماحناش عبيد
و ان سيدكوا...هو سيدكوا
بس لينا ماعادش سيد
الوطن حر و عنيد
عمر ما كرباجكوا يوم هايخوفه
او يضعفه
الوطن بالحب ايد
حانية تمسح عالشريف
و اللى يسرق او يخون
او يبيع مش يصون
يضربه بإيد من حديد
الوطن اقدم جديد
يتذكر فى كتاب إلهى
ليه نغنى
و بيه نباهى
الوطن قبلة امان
اينما كان اتجاهى...
الوطن عيشة هنية
عدل ليك..عدل ليا
لقمة العيش للغلابة
و الحماية م الديابة
مش وساطة و محسوبية
و الامور بالإكرامية
و المناصب اقدمية
يفتحوا باب التكية
كله يسرق..
كله ينهب..
كله ينسى الإنسانية
و احنا لينا..السلطــانية
الوطن يا سادة ابداً
عمره ما كان يوم لقية
و انتوا..
انتوا حاولوا..تانى حاولوا
و انسجوا فى شباككوا حوله
عمركوا ما ف يوم تنولوا
لو حاولتوا العمر طوله
بلبس مدنى او بميرى
او بكوتشى او بيادة
خوفكوا راح يفضل اسيرى
مهما تكتموا فى الشهادة
او تتاجروا بالكلام
او تغشوا فى الانام
او علينا كلابكوا تتطلع
لاجل ريسكوا الهمام
الوطن مش راح ينام..
بعد ما اتنسم صباح
و الامل بقى فيه مباح
و بدمانا لرمشه كَحَّل
يوم ما صرخ الدم..ارحل
فإختصاراً يا افاضل
الوطن هو اللى فاضل
و انتوا راح تتاخدوا دور
دور فى دور
دور فى دور
و السواقى راح تدور
تروى كل الملهوفين
اللى ماتوا بالحياة
و اللى عاشوا ميتين
تحمل الخبر اليقين
انكوا..و بدون مقاطعة
جنب سيدكوا..مشرفيـن
