كلام

مع انى بكتب شعر
و لعبتى الكلام
تلاقينى قصاد عيونك
بيتوه منى الكلام..
بالذمة ده اسمه كلام !!؟
اشمعنى يعنى
لما اكتب عليكى
الكلام يملى الورق
و احتاج كمان
فوق الورق
ورق...
و برضه مابيخلص
كلامى ليكى..
طب ليه بقى
اول ما اشوفك
اسكت...
و القى الحروف
متشتته ؟؟...
لكن ارجع و اقول..
معذور انا فى كده
ماهو مفيش يا ناس
جمال بالشــكل ده..
ازاى قوليلى ممكن انطق
و انا لما اشوفك
الدنيا حواليا بتقف
متجمدة...
عارفة...
عشان حالتى
لما اقف قصاد عيونك
متبقاش كده..
علطول هخلى معايا
ورقة و قلم
بعد كده