ايوه صعيدى
لا اسمى مخيمر
ولا وهدان
ولا حتى هريدى..
ولا لابس عمة و جلابية
و لا كتفى عليه بندقية
ولا شايل شومة فى ايدى
بس صعيدى
عقلى صعيدى
و قلبى صعيدى
و الطبع الحامى
زى الدم..
جوه وريدى
و الحق خليلى
افديه برقبتى
و الصدق كلامى
ولو فيه موتى..
اقوله و كفنى..
شايله على ايدى
اصلى صعيدى..
جدى صعيدى
و ابويا صعيدى
و يشرفنى..
و يرفع راسى..
ان الدنيا دى كلها
تعرف..
انى صعيدى
ليست هناك تعليقات:
إرسال تعليق