قربى يا هانم
قرب يا بيه
عندنا تشكيلة قلوب
بس ايـــه...
نقى و شوف
القلب اللى عاجبك
و بطرف ايدك
شاور عليه....
فى عندنا
قلب فاضى
و قلب قاسى
بس هادى
و قلب تعبان
بس راضى
و كله عادى.....
و فى كمان
قلب شايب
قبل الأوان
و قلب ناسى
طعم الامان
عايش حياته
ورا البيبان
خايف...
مدارياه الحيطان
و الكل اهه
ع الرف باين
قرب يا بيه
اوزن و عاين
نقى اللى عاجبك
بس التمن
مش راح يكون
حسب الميزان....
ليست هناك تعليقات:
إرسال تعليق