احياناً !!!

الدنيا دى سيما كبيرة
و حياتى هى الفيلم
ولا ليها لقطة اخيرة
و لا ليها حتى اسم

احيانا تبقى دراما
ملهاش نهاية سعيدة
الجرح يزورنى ياما
و مفيش غير حاجة اكيدة
الغــدر زى ما هو
بس الوشوش جديدة

احيانا تبقى كوميديا
اضحـــــك...
و ضحكتى هادية
و الدمع يهرب منى
و نفسى تصبح راضية

احيانا يمكن اضحك
احيانا يمكن ابكى
يمكن احيانا ارضى
او حتى يمكن اشكى
يمكن افضل امشى
من غير اى اتجاه
لكن هيزيد فى قلبى
حبـــــى للحياه