سألت ايه الاسم ؟؟
قالوا ملاك مش بشر
سألت ايه الرسم ؟؟
قالوا ده كيف القمر
عالى مابين النجوم
و معاه بيحلى السهر
و ادى القمر فى سماه
غيران اهه منك
اصله يادوب منتهااه
نقطة فى بحور حسنك
بحبك...
ياللى علمتى لساانى
ازاى يقول احلى الكلام
بحبك...
ياللى ساكنة بين ضلوعى
و بصحى على صورتك و انام
بحبك..
ضحكة سارحة جوه قلبى
بتحلى ايامى اللى جايه
بحبك..
نسمة مطلوقة فى صدرى
بتهون المر عليا..
بحبك..
و حبك لما سكن قلبى
حسسنى بأنى امير
و انى بطير
بلا جناحات
لكنى بطير
لا انا مسحور ولا ساحر
و لا مجنون ولا شاعر
انا عاشق
و دايب دوب
و عشقك عمرى عنه ماتوب
و لو مهما خدتنى دروب
هيفضل عشقى ليكى يزيد
و اقول و اعيد
بحبك..
و قلبى ليكى اسير
بحبك..
و مهما يصير
ليست هناك تعليقات:
إرسال تعليق