لعبة الهوا

احترت انظر فى امرك يا هوا
ساعات بتبقى نار بتحرق
و تفرق قلوب....
و ساعات تجمعهم
و تبقى الدوا...
و ساعات تصحى الامل
و بهمسة تحيى الحلم
و ساعات بتقسى
و تقتلهم سوا..
زى ما تكون واخدها لعب
مرة تفرق..
مرة تجمع..
مرة تحلى الدنيا جوه العيون
و تخلى طعم المر فيها يــهــون...
و مرة تخليها زى السجون
ليلها طويل..
مليان سهد و عذاب
و النوم ميعرف طريقه للعيون..
و انت واقف بتتفرج..
و بتضحك من القلب
فرحان بلعبتك..
و لا عمرك فى مرة
صعب عليك قلب....
عموما يا هوا
كده كفاية..
ان كنت ناوى تكمل
لعبك معايا..
فاعذرنى..
انا مش هكمل..
قلبى انكوى مرة
و لو انكوى التانية
مش هاقــدر اتحمل.....