ولد و بنت
صغيرين..
بيلعبوا فى حمام كور
الضحكة صافية
و الفرحة فى العيون
متأصـــلة..
و البال مرتاح
خالى م الاسئلة..
لا يهمهم ميـــن اللى باصص عليهم
و لا حتى بيحسبوا الوقت
اللى عدى و فات عليهم
كل اللى هاممهم
ان الايادى فى بعضها متشبكة...
يتنططوا...يتشقلبوا...يقــــعوا...
مش مشكلة
طول ما الايدين متشبكة
المشكلة..
لو حد جه فرق ايديهم
موت الحلم فى عينيهم
خلى قلوبهم الخضرا
تِعجِز قبل الاوان
و قالهم...
كفاية فرح و سعادة
كفاية حلم و امل بزيادة
كفاااااااية.....
دى الدنيا...
مش حمام كور...
ليست هناك تعليقات:
إرسال تعليق