جَـرَّب

جَرَّب دَوَر فى رفوف قلبك
جَرَّب قَـلِـب فى البراويز
جَرَّب يوم تضحك من قلبك
و تعيشها من غير تبويز

جَرَّب مرة تعدى بحور
جَرَّب مرة تنط السور
اقفل مرة باب الدايرة
غمض عينك..و ابدأ دُوُر
و ما تـتـعـبـش

جَرَّب طير بجناح مفرود
اعلى و اعلى وانسى تعود
و اوعى تفكر ايه اللى جرالك
فكر بس انك موجود
و ما تـحـسـبـش

و انسى همومك
و انسى دموعك
و ازرع فرحة
جوه ضلوعك
و اما يقرب وقت رجوعك
اتشعلق فى نجوم السما
و ما تـفـلـتـش