بـدايــة

مين اللى قال الموت هو النهاية ؟
الموت..شراع
الموت حقيقة من بعد الخداع
الموت بداية تانية للحكاية

و بعدها..بيفترق الطريق
و يإما يبقى شطوط امان
او يبقى بحر و موج غريق
وكل سكة ليها م البشر..فريق

تكون فى ده
او حتى ده
انت اللى بايديك القرار
اصل الحياة زى اختبار
كافح و جاهد و اشتغل
كون فيها طاقة من الامل
و اياك تمل من العمل
و افتكر..فى كل لحظة
ان النتيجة بالاختيار

وان وقتك لما يجى
مش راح يفيد الاعتذار
جنة و نار
يا تروح هنا
يا تروح هنا
و مفيش إعادة للسنة