خلاص نسيت
كل اللى فات ؟؟؟
نسيت السهر
و العذاب
و الجراح
و الذكريات...
و دلوقتى..
عايز تحب
من تانى
يعنى ما حرمتش ؟؟
لسه جراحى بتنزف
و لسه بتــــألم
و الذكرى جوايا
و مش قادر اتكلم
و انت ولا بتتعلم ....
عايز تحب من تانى
و خلاص نسيت
اول ما هَلِت
و عدت قصادك
بصيتلها..ضحكت
رمت الشبك بعنيها
و شبكها صادك..
و مشيت فى سكتها
لفيت على صحابها
و سألت عن بيتها
و موصلتش لرد
لكن ما همك حد
و قلت هاكون بيتها
و اصحابها
و عيلتها
هامسح بفرحى احزانها
و ادراى كل احزانى..
فى فرحتها
و جريت عليها
قلتلها بحبك
و فتحت ابوابك
قعدتها على عرشك
و منحتها شبابك
نَصَبتها ملكة...
و عقدت عمرك تاج على راسها
و بقيت كما حارس فى حراسها
و سهرت طول الليل
تكتبلها اشعار
و الحب بقى ساكنك
و بقيت عمار
و بقيت تدوس فى النار
لاجل ما ترضيها
و بقى كل مُناك
تحقيق امانيها
و اتاريها...
قلبها فاضى
اول ما عرفت غيرك
عملت عليك قاضى
و حكمت بإعدامك
و لا همها كلامك
و نسيت كل ايامك
و قدامك...
قالت ده مش ذنبى
ايوه انت قلت بحبِك
بس انا.....ما قولتش
و انت دلوقتى
عايز تحب من تانى
و كأنك م الجراح
لسه ما شبعتش....
شكلك كده.....
ما حرمتش......
